LONEITUTE THIAN
Loneitu Hriat Tur Puanchhuahna
Loneitu Hriat Tur Puanchhuahna
A. Lei dawnin
1. I mamawh tawk chiah lei ang che, entirnan- 100gm or ml, 250gm or ml, 500 gm or ml, 1000 gm or ml or fun te tak te pakhat or a aia tam.
2. A bur/bawm hnam, a funna pawp, phui thalo chu lei suh.
3. A siam thla leh kum, a chhiat thla leh kum, a man zat, a hlauhawm dan chhinchhiahna etc. a bawm/bur pawna a inziah loh chuan lei suh.
B. Dah that/kawl that
1. Chenna inchhungah chuan dah loh tur a ni
2. Ama bur diktakah chauh phui tha taka dah tur.
3. Bur/bawm dangah dah suh.
4. Ei tur leh ran chaw nen dahpawlh suh.
5. Naupang khawih phak lohah leh ran eitheih lohah dah rawh.
6. Nisa em theih leh ruah nan theih laiah dah suh.
7. Hnim tur leh rannung thahna hlo, thlai natna damdawi etc., hmun khatah dah ho suh.
C. Ken sawn leh thiar/phurh kual
1. Ei tur lam chi nen dah pawlh in keng sawn/thiar sawn suh.
2. A tam tham pawh chhipchhuan loh tur a ni a, put loh tur a ni a, phurh loh tur a ni bawk.
D. Kah tur, tui nena chawhpawlh laia fimkhur dan tur
1. Tui thianghlim chauh hmang rawh.
2. I hnar leh i ka tuam la, tarmit vuah la (Power neilo), I bengleh i kut pawh tih buak suh.
3. Kutkawr bun la, hmaikawr vuah la, lukhum khum bawk rawh.
4. Kuttuam nan sarang ip phuitha hmang la, rawmawl emaw puanthem fai emaw i hnar leh ka tuam nan hmang la, lutuam nan hrukpuan pawh a hman theih.
5. A bur pawna hriattur pawimawh inziak kha tui nen a i pawlh hmain chhiar thin ang che.
6. I thlai kah nana i mamawh tawk chauh siam ang che.
7. A mum chi (antam chi ang a siam/granules) rannung thahna hlo reng reng chu tui nen chawhpawlh suh.
8. A bur i hawn laiin intih buak lo la, hnim suh.
9. A kahna bur a i thun laiin ti baw suh.
10. Tui nen a i pawlh laiin engmah eilo la, in lo la, mei zulo la, kuhva ei lo la, sahdah / tuibur hmuam suh.
11. Pheikhawk bun la, kutkawr bun bawk la (sarang ip hman mai tur ani).
|
|
| Rannung thahnahlo (Insecticides): Carbofuran 3G, Carbaryl, Phosphamidon, Chlorpyriphos | Hnim tur (Herbicides): 2, 4-D Sodium salt, Glyphosate, Butachlor, Paraquat Dichloride |
|
|
| Buh hnah khawrtu pangang leh lungphur thlahtu (Adult moth) | Buh zung eichhetu Vual |
E. A kahna bur/bawm
1. Thlai i kah nana i mamawh diktak a kahna bur thlang ang che.
2. A bur hnam, phuilo chu hmang suh.
3. A phuh sinna hmur(nozzle) tha chauh hmang rawh.
4. A phuhna hmur a pin chuan ham suh. Ha nawhna brush hlui leh tui in tifai ang che.
5. Hnim tur leh rannung thahna hlo kah nan a kahna bur thuhmun hmang suh (A hran ve ve nei rawh)
F. Kah laiin fimkhur dan tur te
1. A hman tur zat diktak leh tui ngaizat diktak chawhpawlh ang che.
2. Chhun nisat vanglai leh thli na taka a tleh laiin kap suh.
3. Ruah sur hma lawk leh a sur hnu chiahah kap suh.
4. Thli thawt dan zul zuiin kap rawh.
5. Rannung thahna hlo EC formulations-a siam chu ULV Sprayer, battery hmanga kah loh tur a ni (ULV formulation bik a awm)
6. Kah zawhah a kahna bur leh bucket chu sahbawn nen fai taka sil tur a ni.
7. Baltin, bucket leh bur dang, rannung thahna hlo kah tur siam nana hman reng reng chu eitur dah nan hman loh tur a ni.
8. Kah zawhah thlai hmunah mihring leh ran luhtir loh tur a ni.
G. A bur ruak leh hman bang thehthang dan
1. Thlai kah nana rannung thahna hlo etc hman bang chu luiah etc, luikawng leh dilah leih baw suh, vau leh leilet sir, thlai chin lohna laiah leih buak tur.
2. A bur ruak chu chhut chhiata, phumbo tur.
3. Rannung thahna hlo, thlai natna damdawi, leh hnim tur bawm ruak chu thil dang dah nan hman loh tur a ni.